1960ರಲ್ಲಿ ಶ್ರೀ ಸದ್ಗುರು ನಿತ್ಯಾನಂದರ ಅಣತಿಯಂತೆ ಕೊಲ್ಲೂರಿಗೆ ಬಂದ ಶ್ರೀ ವಿಮಲಾನಂದ ಸ್ವಾಮೀಜಿಯವರು ಕುಟೀರವನ್ನು ಕಟ್ಟಿ ವಾಸಿಸುತ್ತಿದ್ದರು. ಅದು ಇಂದು ಶಿಲಾಮಯಗೊಂಡಿದೆ. ಸದ್ಗುರುವಿನ ಸೇವಾ ಕೈಂಕರ್ಯವನ್ನು ಮುಂದುವರಿಸಿಕೊಂಡು ಬರಲಾಗುತ್ತಿದೆ.

ಶ್ರೀ ಸದ್ಗುರು ನಿತ್ಯಾನಂದರು ಸಹಸ್ರಾರು ಪವಾಡ, ಲೀಲೆಗಳನ್ನು ಮಾಡಿ ಭಕ್ತರನೇಕರನ್ನು ಉದ್ಧರಿಸಿದ ಮತ್ತು ಕೈಗೊಂಡ ಮಾನವತಾ ಸೇವೆಗಳು ಅನೇಕಾನೇಕ. ಶ್ರೀ ನಿತ್ಯಾನಂದರು ಉಡುಪಿ, ಕೊಲ್ಲೂರಿನಲ್ಲಿಯೂ 1920-30ರ ದಶಕದಲ್ಲಿ ಕೊನೆಯಲ್ಲಿ ತಂಗಿದ್ದರು.

ಶ್ರೀ ಸದ್ಗುರು ನಿತ್ಯಾನಂದರ ನೇರ ಶಿಷ್ಯರಾದ ಶ್ರೀ ವಿಮಲಾನಂದ ಸ್ವಾಮೀಜಿಯವರು ಕೊಲ್ಲೂರು ಶ್ರೀ ಸದ್ಗುರು ನಿತ್ಯಾನಂದ ಮಠದ ಸಂಸ್ಥಾಪಕರು. ಶ್ರೀ ನಿತ್ಯಾನಂದರ ಲೋಕ ಕಲ್ಯಾಣದ ಸಂದೇಶವನ್ನು ಪಾಲಿಸುತ್ತಾ, ಸೇವಾ ಕಾರ್ಯವನ್ನು ಮುಂದುವರಿಸಿಕೊಂಡು ಬಂದವರು.